तुलसीपुर,२६ माघ । सीता एयरको बिमानले काठमाडौं–दाङ उडान फागुन महिना देखि शुरु गर्ने भएको छ । माघ २५ गते बुधबारदेखि हवाई सेवा दिने जनाएको सीता एयरले फागुन ३ गतेदेखि मात्र हवाई सेवा दिने बताएको छ । यसअघि काठमाडौं–दाङ हवाई सेवा नेपाल बायु सेवा निगमले दिदै आएको छ । सीता एयरले माघ २५ गतेदेखि हप्तामा एक दिन हवाई सेवा दिने जनाएको थियो तर अहिले उडान भर्ने समय पर सार्दै सीता एयरले फागुन ३ गतेदेखि नियमित उडान भर्ने तयारी गर्दै छ।
माघ १३ गते टरिगाउँ विमानस्थलमा परी क्षण उडान भरेको सीता एयरले तयारी पूरा नभएकै कारण केही दिन पर समय सारिएको बताएको छ । सीता एयरका महाप्रबन्धक राजेन्द्रबहादुर सिंहले जानकारी दिए अनुसार फागुन महिना देखि नियमित उडान भर्ने भएको छ । नेपाल वायु सेवा निगमले हप्तामा चार दिन मात्र उडान भर्दै आएको छ ।
