दाङको टरिगाउँ विमानस्थल विस्तारमा तुलसीपुरको चासो
तुलसीपुर ५ असोज ।
तुलसीपुर उपमहानगरपालिकाले टरिगाउँ विमानस्थल(धावनमार्ग) विस्तारका लागि सक्रियता बढाएको छ । २०११ सालदेखि सञ्चालनमा आएको टरिगाउँ विमानस्थल धावनमार्गमा पटक पटक सञ्चालन हुँदै बन्द हुँदै आएको छ । पछिल्लो पटक तुलसीपुर उपमहानगरपालिकाकै सक्रियतामा सञ्चालन हुँदै आएको छ । अहिले हप्तामा पाँच दिन उडान हुँदै आएको छ । सात सय ५० मिटर धावनमार्ग कालोपत्रे गरिएको छ । ३८ बिगाह क्षेत्रफल रहेको धावनमार्ग विस्तारका लागि थप ३० बिगाह जग्गा आवश्यक पर्ने प्रारम्भिक सर्वेबाट जानकारी भएको इन्जिनियर युवराज रिजालले जानकारी दिनुभयो ।
टरिगाउँ विमानस्थलबाट दाङ,रोल्पा,सल्यान,प्यूठानका करिब १८ लाख नागरिकले प्रत्यक्ष लाभ लिन सक्नेछन् । संघीय सरकारले यस विमानस्थलको विस्तृत विवरण प्रतिवेदनका लागि दुृई करोड बजेट विनियोजन गरेको छ । कार्यक्रममा नगरप्रमुख टीकाराम खड्काले विमानस्थलको विस्तारका लागि आवश्यक पर्ने जग्गा व्यवस्थापनका लागि पालिकाको तर्फबाट काम अघि बढाइने बताउनुभयो । त्यस्तै खाल्डा पुर्ने काम गरिने बताउनुभयो । उहाँले इन्धन डिपोसम्म पुग्ने सडक कालोपत्रे,शौचालय निर्माणको काम सुरु गरिएको बताउनुभयो ।
छलफल कार्यक्रममा पूर्व नगरप्रमुख घनश्याम पाण्डेले तीन वटै जिल्लाका स्थानीय सरकारले प्रत्येक वर्ष बजेटको व्यवस्थापन गरेर अघि बढ्न आग्रह गर्नुभएको थियो । कार्यक्रममा पूर्व नगरप्रमुख ढुण्डिराज लामिछाने, नेपाल सरकारका पूर्व सहसचिव रमेश अधिकारी, पर्यावरणकर्मी डिल्लीबहादुर रावत, शिक्षाप्रेमी डिल्ली अधिकारी नेकपा एमालेका जिल्ला सहसचिव कृष्ण भुसाल,नेपाली कांग्रेसका शेषमणि भण्डारी, लगायतकाले बोल्नुभएको थियो । उपप्रमुख स्यानी चौधरीको स्वागत मन्तव्यबाट सुरु भएको कार्यक्रमको सञ्चालन प्रवक्ता माधव वलीले गर्नुभएको थियो ।
उपप्रमुखको संयोजकत्वमा विमानस्थल सहयोग समिति
तुलसीपुर उपमहानगरपालिकाका उपप्रमुख स्यानी चौधरीको संयोजकत्वमा टरिगाउँ विमानस्थल सहयोग समिति गठन गरिएको छ । बुधबार तुलसीपुर उपमहानगरपालिकामा आयोजित टरिगाउँ एयरपोर्ट व्यवस्थापन सम्बन्धीत कार्यक्रममा समिति गठन गरिएको हो । समितिको सदस्यहरुमा दाङ,रोल्पा,सल्यानका पालिका, तीन वटै जिल्लाका उद्योग वाणिज्य संघ,नेपाल पत्रकार महासंघ दाङ, यातायात व्यवसायी महासंघका प्रतिनिधि रहेको समिति गठन गरिएको हो । त्यस्तै सल्लाहकारमा तुलसीपुर उद्योग वाणिज्य संघका पूर्व नगरप्रमुख,दाङ,रोल्पा,सल्यान जिल्ला समन्वय समिति,उद्योग वाणिज्य संघकातर्फबाट तुलसीपुर उद्योग वाणिज्य संघका पूर्व अध्यक्ष विमल रिजाललाई राखिएको छ ।
यसैबिच विद्यालयले बुधबार आज विभिन्न कार्यक्रम गरी ५८ औँ राष्ट्रिय बाल दिवस मनाएको छ । बाल दिवसको अबसरमा विद्यालयले चित्रकला प्रतियोगिता , कविता प्रतियोगिता, चम्चा दौड, कुर्सि दौड र चक्लेट दौड प्रतियोगिता गरेको छ भने नाटक , नृत्य, गित प्रस्तु भएको थियो । कविता प्रतियोगितामा कक्षा ६ देखी १० सम्मका १२ जना विद्यार्थीहरुले भाग लिएका थिए । जसमा ग्रिन हाउस कक्षा ९ (जि) का अनुप चौधरी प्रथम, रेड हाउस कक्षा ७ (आर) ग्रुपका अनुप पौडेल द्धितिय, रेड हाउसकै कक्षा ८ का तृप्ती न्योपाने तृतिय हुनुभएको छ । रेड हाउस कक्षा ८ का स्वस्तीमा विसी. सान्तोन हुनुहुभएको छ । त्यसैगरी चित्रकला प्रपतयोगितामा कक्षा ३ देखी ५ सम्मका २० जना विद्यार्थीहरु सहभागी भएका थिए । जसमा ह्वाइट हाउस कक्षा ३ (जि)का एल्जिन चन्द प्रथम, बुलु हाउस कक्षा ४ (जी) ग्रपका सुयोग वली द्धितिय, ह्वाइट हाउस कक्षा ५ (जि) ग्रुपका सागर चौधरी तृतिय हुनुभएको छ । त्यस्तै बुलु हाउस कक्षा ४ का राजन केसी चौथो हुनुभएको छ । त्यसैगरी नर्सरी देखी कक्षा २ सम्मका विद्यार्थीहरुले चम्चा दौड, कुर्सी दौड , चक्लेट दौडमा सहभागी भएका थिए । हाम्रो पहुँच माविका प्रधानाध्यापक डिआर भण्डारीको अध्यक्षतामा कार्यक्रम भएको हो । विद्यालयका कल्याणकारी अधिकृत तिलकराम कालाथोकीको स्वागत मन्तव्यबाट सुरु भएको कार्यक्रमको सहजीकरण विद्यालयका सहायक प्रधानाध्यापक शिव पुनले गर्नुभएको हो ।
