अपडेट

ज्योतिपुञ्ज घोराही र ज्योतिपुञ्ज मोडेल रामपुरमा विद्यार्थीका लागि अनलाइन ई—हाजिरी शुरु

दाङ १० ,असोज  ।

दाङको घोराहीमा रहेको ज्योतिपुञ्ज आवासीय माध्यमिक विद्यालय र रामपुर स्थीत ज्योतिपुञ्ज मोडेल अङ्ग्रेजी विद्यालयले विद्यार्थीहरुका लागि अनलाइन ई—हाजिरी शुरु गरेको छ । घोराहीको भरतपुरमा रहेको ज्योतिपुञ्ज आवासीय माध्यमिक विद्यालय र घोराही—२ रामपुरमा रहेको ज्योतिपुञ्ज मोडेल अङ्ग्रेजी विद्यालयले विद्यार्थीहरुलाई मेशिनबाट गराइने अनलाइन इ—हाजिरीको शुरु गराएका हुन् ।

विद्यार्थीहरुको उपस्थिती जुनसुकै स्थानबाट पनि प्रशासकहरुले निगरानी गर्ने, विद्यार्थीहरुको हाजिरीलाई पेपरलेस बनाउने, विद्यार्र्थीहरुको नियमितताको अद्यावधिक गर्ने,अभिभावक अन्तरक्रिया कार्यक्रममा छोराछोरीको उपस्थितीका विषयमा छलफल गर्ने लगाएतका उद्देश्यहरु राखेर दुवै विद्यालयमा अनलाईन ई—हाजिरी शुरुवात गराइएको ज्योतिपुञ्ज आवासीय माध्यमिक विद्यालयका प्रा.लि. का प्रवन्ध निर्देशक बालचन्द्र शर्माले जानकारी दिनुभयो ।

ई—हाजिरलाई छिट्टै अभिभावकको मोवाइल नम्वरमा म्यासेज जाने ब्यवस्था गर्न लागिएको विद्यालयले जनाएको छ । विद्यार्थी विद्यालयमा आएर हाजिर गर्दा र पढाई सकेर घर जानेबेला गरिने हाजिरको सन्देश उनीहरुका अभिभावकको मोवाइलमा म्यासेज जाने ब्यवस्था समेत गर्न लागिएको प्रालिका प्रवन्ध निर्देशक शर्माले जानकारी दिनुभयो ।

ज्योतिपुञ्ज आवासीय माध्यमिक विद्यालयमा आँखाको रेटिना स्क्यानको माध्यमबाट र ज्योतिपुञ्ज मोडेलमा फिङ्गर प्रिन्टका आधारमा विद्यार्थीको ई—हाजिरी शुरुवात गरिएको ज्योतिपुञ्ज आवासीय माध्यमिक विद्यालयले जनाएको छ ।

विद्यार्थीहरुलाई अनलाइन ई—हाजिरी शुरु गराएपछि विद्यार्थीहरुको नियमिततामा प्रभावकारीता बढेको, नयाँ प्रविधि भएकोले विद्यार्थी र अभिभावक समेत उत्साहीत भएको पाइएको ज्योतिपुञ्ज आवासीय माध्यमिक विद्यालयका प्रिन्सिपल बुद्धिराज अधिकारीले जानकारी दिनुभयो ।

अनलाईन इ—हाजिरी सुरु भएपछी आफूहरुले जुनसुकै स्थानबाट पनि विद्यार्थीहरुको नियमित अपडेट र मोनिटरिङ गर्न पाइएको ज्योतिपुञ्ज मोडेल अङ्ग्रेजी विद्यालय रामपुरका प्रिन्सिपल शिव भण्डारीको भनाई रहेको छ ।

शिक्षा सेवा आयोग र शिक्षक सेवा आयोगको मोडेलमा मासिक बिशिष्टकृत परीक्षा प्रणाली, मोवाइल एप्सबाट विद्यार्थी र विद्यालयका गतिबिधिलाई अभिभावकलाई जानकारी गराउने बिधि,मासिक रुपमा अभिभावक शिक्षा तथा अन्रक्रिया कार्यक्रमको संचालन, पि.एच.आए. कार्यक्रमबाट अतिरिक्त पढाईको ब्यवस्था, प्रिजेन्टेशनमा आधारित विद्यार्थीहरुलाई अतिरिक्त गृहकार्य, प्रोजेक्ट बिधिबाट पढाई,विद्यार्थीहरुको डिजिटल संचित अभिलेखिकरण लगायतका अतिरिक्त व्यवहारीक विशिष्ट कार्यक्रमहरु सहित विद्यालयले ब्यवहारिक र जीवनोपयोगी कार्यक्रमलाई समेत समेटेर दुवै विद्यालय सञ्चालन गरिएको ज्योतिपुञ्ज आवासीय माध्यमिक विद्यालयका प्रा.लि. का प्रवन्ध निर्देशक बालचन्द्र शर्माले जानकारी दिनुभयो ।

युवाहरुको समुह द्धरा आशादीप नेपालमा सहयोग प्रदान ।।

असोज ८,काठमाण्डौं।

आशादीप नेपालमा युवाहरुको समुहले  शनिबारका दिन सहयोग वितरण गरेका छन् ।  प्रशान्त कुमार आग्री, दिपा आग्री, मदन गजमेर,अशोक बि.क, अमर सिंह पन्त, केशव कार्की, सुबोल थापा,गौरव बि.क,सुशील आग्री लगायतका युवा समुहले आउदै  गरेको बडा दशैको लागि हुने आफ्नो खर्च कटौति गरी सहयोग गरेका हुन् ।

आशादीप नेपाल संस्थाका लागी कपडा, दाल चामल, फलफुल, बिस्कुट र चाउचाउ लगाएतका  सामान वितरण  गरेका छन् ।  करिव ३० बर्ष देखि सञ्चालनमा आएको यस संस्था मानसिक स्वास्थ्यमा समर्पित रहेको  छ ।

काठमाण्डौंको नयाँपाटी, सुन्दरीजलमा रहेको यस संस्थामा महिला पुरुष गरी ३० जना रहेको  छन् । प्रशान्त कुमार आग्रीको नेतृत्वमा वितरण गरिएको  यस कार्यक्रमा  आशादीप नेपालकी संस्थापक टिम समेत रहेकी सन्तोषी खड्काले यति धेरै सहयोग पाउँदा खुशी व्यक्त गरेकी छन । यसै गरि अरु युवाहरु पनि यस्तो कार्यमा लाग्न आव्हान समेत  गरेकी छन्।

समाजसेवी तथा अनलाईन व्यबसायी समेत रहेका प्रशान्त कुमार आग्रीले सहयोग वितरण गर्न पाउँदा एकदमै खुसी एवम हर्षित भएको बताएका छन् । पहिला पनि आफ्नो गाउँका धेरै संस्थाहरुमा सहयोग गरी सकेका प्रशान्तले यो पटक पनि आशादीप नेपालमा सहयोग गरेका हुन् । यस्ता असक्त  बिरामीलाई  सहयोग गर्नु सबैको कर्तब्य भएको समेत बताए । यो हाम्रो  सानो  प्रयास  मात्र हो, भाग्यले साथ दियो भने  सहयोग सहित फेरी पनि आउने बाचा गरेका छन ।

कलाकार राजु महोत्रा आफ्नै निवासमा मृत फेला परे

असोज ७ बुटवल ।

बुटवलका कलाकार राजु महोत्रा झुण्डिएको अवस्थामा मृत फेला परेका छन् ।दर्जनौं म्युजिक भिडियो निर्माण गरेका र आफै अभिनय गरेका महोत्राले बुटवल देवीनगरस्थित आफ्नै निवासमा राति २ बजेतिर झुण्डिएको अवस्थामा फेला परेका हुन् ।

३५ वर्षीय महोत्रा बिहीबार सांझ गायक नन्दु परियार लगायतसँग आफ्नै घरमा खाना खाएर सुतेका थिए । अहिले महोत्राको शव पोष्टमार्टमका लागि लुम्बिनी प्रदेशिक अस्पताल पुर्याइएको र घटनाबारे अनुसन्धान अघि बढेको इलाका प्रहरी कार्यालय बुटवलले जनाएको छ । महोत्राकी श्रीमती पनि म्युजिक भिडियोमा अभिनय गर्छिन् । महोत्रा र उनको श्रीमतिले डोको बोकेर, पछ्यौरी,यमुना जस्ता र्दजनौ म्युजिक भिडियोमा संगै अभिनय गरेका थिए । महोत्रा कलाकारितासँगै विभिन्न व्यवसायमा पनि आवद्ध थिए ।

चितवनबाट भारतीय महिला पक्राउ

असोज ५ चितवन ।
चार बर्षको बालकलाई ललाई फकाई लैजाँदै गरेको अवस्थामा चितवन प्रहरीले एक भारतीय महिलालाई पक्राउ गरेको छ ।
आज बुधबार दिउँसो करीब १२:३० बजे भरतपुर महानगरपालिका वडा नं. १७ गुञ्जनगरबाट ४ बर्षका बालकलाई ललाई फकाई लैजाँदै गरेको अवस्थामा प्रहरीले नियन्त्रणमा लिएको हो । भारतको  रहसी गाउँ बस्ने अनिता पाल अन्दाजी बर्ष ३८ की हुन्।
उनलाई नियन्त्रणमा लिई चितवन जिल्ला अदालतबाट अपहरण तथा शरीर बन्धक सम्बन्धी कसूरमा  ४ दिन  म्याद लिई थप अनुसन्धान भईरहेको चितवन प्रहरीले जनाएको छ । पछिल्लो समय बालबालिकाहरुलाई फकाई फुल्याई लैजाने वा चोर्ने गिरोह सक्रिय रहेको चर्चा हुँदै आएको छ ।

दाङको टरिगाउँ विमानस्थल विस्तारमा तुलसीपुरको चासो

तुलसीपुर ५ असोज ।

तुलसीपुर उपमहानगरपालिकाले टरिगाउँ विमानस्थल(धावनमार्ग) विस्तारका लागि सक्रियता बढाएको छ । २०११ सालदेखि सञ्चालनमा आएको टरिगाउँ विमानस्थल धावनमार्गमा पटक पटक सञ्चालन हुँदै बन्द हुँदै आएको छ । पछिल्लो पटक तुलसीपुर उपमहानगरपालिकाकै सक्रियतामा सञ्चालन हुँदै आएको छ । अहिले हप्तामा पाँच दिन उडान हुँदै आएको छ । सात सय ५० मिटर धावनमार्ग कालोपत्रे गरिएको छ । ३८ बिगाह क्षेत्रफल रहेको धावनमार्ग विस्तारका लागि थप ३० बिगाह जग्गा आवश्यक पर्ने प्रारम्भिक सर्वेबाट जानकारी भएको इन्जिनियर युवराज रिजालले जानकारी दिनुभयो ।

टरिगाउँ विमानस्थलबाट दाङ,रोल्पा,सल्यान,प्यूठानका करिब १८ लाख नागरिकले प्रत्यक्ष लाभ लिन सक्नेछन् । संघीय सरकारले यस विमानस्थलको विस्तृत विवरण प्रतिवेदनका लागि दुृई करोड बजेट विनियोजन गरेको छ । कार्यक्रममा नगरप्रमुख टीकाराम खड्काले विमानस्थलको विस्तारका लागि आवश्यक पर्ने जग्गा व्यवस्थापनका लागि पालिकाको तर्फबाट काम अघि बढाइने बताउनुभयो । त्यस्तै खाल्डा पुर्ने काम गरिने बताउनुभयो । उहाँले इन्धन डिपोसम्म पुग्ने सडक कालोपत्रे,शौचालय निर्माणको काम सुरु गरिएको बताउनुभयो ।

छलफल कार्यक्रममा पूर्व नगरप्रमुख घनश्याम पाण्डेले तीन वटै जिल्लाका स्थानीय सरकारले प्रत्येक वर्ष बजेटको व्यवस्थापन गरेर अघि बढ्न आग्रह गर्नुभएको थियो । कार्यक्रममा पूर्व नगरप्रमुख ढुण्डिराज लामिछाने, नेपाल सरकारका पूर्व सहसचिव रमेश अधिकारी, पर्यावरणकर्मी डिल्लीबहादुर रावत, शिक्षाप्रेमी डिल्ली अधिकारी नेकपा एमालेका जिल्ला सहसचिव कृष्ण भुसाल,नेपाली कांग्रेसका शेषमणि भण्डारी, लगायतकाले बोल्नुभएको थियो । उपप्रमुख स्यानी चौधरीको स्वागत मन्तव्यबाट सुरु भएको कार्यक्रमको सञ्चालन प्रवक्ता माधव वलीले गर्नुभएको थियो ।

उपप्रमुखको संयोजकत्वमा विमानस्थल सहयोग समिति

तुलसीपुर उपमहानगरपालिकाका उपप्रमुख स्यानी चौधरीको संयोजकत्वमा टरिगाउँ विमानस्थल सहयोग समिति गठन गरिएको छ । बुधबार तुलसीपुर उपमहानगरपालिकामा आयोजित टरिगाउँ एयरपोर्ट व्यवस्थापन सम्बन्धीत कार्यक्रममा समिति गठन गरिएको हो । समितिको सदस्यहरुमा दाङ,रोल्पा,सल्यानका पालिका, तीन वटै जिल्लाका उद्योग वाणिज्य संघ,नेपाल पत्रकार महासंघ दाङ, यातायात व्यवसायी महासंघका प्रतिनिधि रहेको समिति गठन गरिएको हो । त्यस्तै सल्लाहकारमा तुलसीपुर उद्योग वाणिज्य संघका पूर्व नगरप्रमुख,दाङ,रोल्पा,सल्यान जिल्ला समन्वय समिति,उद्योग वाणिज्य संघकातर्फबाट तुलसीपुर उद्योग वाणिज्य संघका पूर्व अध्यक्ष विमल रिजाललाई राखिएको छ ।

भीरबाट लडेर राेल्पामा एक महिलाको मृत्यु

असाेज ५ राेल्पा ।

भीरबाट लडेर राेल्पा गंगादेव गाउँपालिकामा एक महिलाको मृत्यु भएको छ। मृत्यु हुनेमा गंगादेव गाउँपालिका -२ डाँडागाउँ बस्ने २५ वर्षिय अनिता सुनार रहेको जिल्ला प्रहरी कार्यालय राेल्पाले जनाएको छ।

अनिता सुनारर बुधबार बिहान करिब ८ बजेतिर घाँस काटनकाे लागि गएको अवस्थामा स्थानीय खानिपाखा सामुदायिक वनकाे पठाचौर भन्ने ठाउँमा भीरबाट लडेर घटनास्थलमै मृत्यु भएको जिल्ला प्रहरी कार्यालय राेल्पाका प्रवक्ता प्रहरी निरीक्षक प्रकाश भुसालले बताए।

उनी मृत भेटिएको खबर पाएपछि इलाका प्रहरी कार्यालय सुख्खाओढारबाट प्रहरी टाेलि घटनास्थल पुगि घटनास्थलकाे अनुगमन गरि शव पाेष्टमार्टमका लागि पठाउने तयारी गरिरहेकाे प्रहरी निरीक्षक भुसालले बताए।

हाम्रो पहुँचको वली दाङबाट एकल प्रतिनिधित्व

 

दाङ, ४ असोज ।

हाम्रो पहुँच तेक्वान्दो डोजाङको कोमल वली नवौँ बृहत राष्ट्रिय खेलकुद प्रतियोगिताका लागि छनौट हुनुभएको छ । प्रतियोगिताका लागि वलीले दाङबाट एकल प्रतिनिधित्व गर्न लाग्नुभएको हो । वली प्रतियोगिताका लागि असोज २ र ३ गते बुटवलमा भएको लुम्विनी प्रदेश स्तरीय तेक्वान्दो प्रतियोगीतामा प्रदेश प्रथम हुनुभएको हो ।

आगामी असोज २८ देखि कार्तिक ३ गतेसम्म पोखरामा हुन गइरहेको नवौँ बृहत राष्ट्रिय खेलकुद प्रतियोगिताका लागि वलीले दाङबाट एकल प्रतिनिधित्व गर्नुभएको हाम्रो पहुँच तेक्वान्दो डोजाङ प्रमुख राकेश परियारले जानकारी दिनुभयो ।उहाँले हाम्रो पहुँच बहुउद्देश्यीय सहकारी संस्था लिमिटेडद्वारा संचालित हाम्रो पहुँच माध्यमिक विद्यालयको हाम्रो पहुँच तेक्वान्दो डोजाङमै प्रशिक्षण लिनुभएको हो । हाम्रो पहुँच विद्यालयले विद्यार्थीलाई शिक्षासंगै खेलकुदका गतिविधि संचालन गर्ने गरेको छ ।

राष्ट्रिय प्रतियोगिताका लागि छनौट हुने वलीलाई विद्यालयले जितको अग्रिम शुभकामना समेत प्रदान गरेको छ । विद्यालयका प्रधानाध्यापक डिआर भण्डारीले नवौँ राष्ट्रिय प्रतियोगिताका लागि छनौट हुने हाम्रो पहुँच तेक्वान्दो डोजाङको वलीलाई छनौट भएकोमा बधाई ज्ञापन गर्दै राष्ट्रिय प्रतियोगितामा पनि जितको शुभकामना दिनुभएको छ ।

तुलसीपुरमा ‘अप्टिमिस्ट क्लब’सञ्चालनमा

तुलसीपुर, ३ असोज ।

दाङको तुलसीपुरमा ‘अप्टिमिस्ट’ क्लब सञ्चालनमा आएको छ । शिक्षा क्षेत्रमा सक्रिय ब्यक्ती मानबहादुर बस्नेतको अध्यक्षतामा सञ्चालनमा आएको क्लबले आफ्ना गतिबिधि अगाडी बढाएको छ । क्लबको आईतबार पहिलो बैठक बसेको छ । बैठकले कार्य समितिलाई पूर्णता दिएको छ । अध्यक्षमा बस्नेतसहित उपाध्यक्षमा कमल साप्कोटा, सचिबमा एकराज भण्डारी, कोषाध्यक्षमा विष्णु योगी रहेका छन् ।

त्यस्तै पार्लियामेन्टरीयनमा नेत्रलाल भट्टराई नारायण, पर्यवेक्षक एवं मूल्यांकन सभापतिमा टिम अधिकारी, जनसम्पर्क अधिृकतमा डीआर भण्डारी, कानुनी सल्लाहकारमा निरञ्जन पाण्डे, प्रबक्तामा दीपक बोहरा, डाईरेक्टरमा घनश्याम डाँगी, डम्बर डाँगी र नोबेल डीसी रहेका छन् । त्यस्तै विजनेश कोर्डिनेटरमा मानबहादुर वली, वेल विइङ इनिटेटिन कोर्डिनेटरमा माधव न्यौपाने, एपोर्टस् लिग कोर्डिनेटरमा ढुण्डीराज वली, युथ मोटिभेटरमा शरण कुमार जीएम, चिल्ड वेल फियर कोर्डिनेटरमा मेघराज पोख्रेल, मिट एण्ड ग्रेट कोर्डिनेटरमा नवराज भण्डारी, वरटेरिकल कोर्डिनेटरमा कमल प्रसाद शर्मा रहेका छन् । त्यस्तै सल्लाहकारहरुमा मेघराज घिमिरे, झरेन्द्र खरेल, गिरीराज डाँगी, सूर्यप्रसाद शर्मा, विष्णु प्रसाद देवकोटा, गिरीराज डाँगी रहेका छन् ।

मानिसमा सकारात्मक सोँचको विकास गरि आसावादी जीवन दर्शन प्रबद्र्धन गर्ने क्लबको उद्देश्य रहेको अध्यक्ष बस्नेतले बताए । मानिश ब्यक्तीबादी र तनाबपूर्ण जीवन बाचिरहेको भन्दै त्यस्ता ब्यक्तीहरुलाई सकारातमक र आशावादी बनाउन क्लबले भूमिका खेल्ने बताउनुभयो । साथै समाजकालागि जहाँ जे आबश्यक पर्छ, त्यहाँ अप्टिमिस्ट हाँजिर हुने समेत बताए ।

खासगरि बालबालिका तथा किशोर किशोरीहरुमा सकारात्मक भावना तथा आशावादी जीवन दर्शनको प्रबर्दन गर्ने उद्देश्य समेत रहेको छ । उक्त क्लबको विश्वका करिब ३० वटा भन्दा बढि देशमा शाखाहरु रहेका छन् । नेपालमा २०१७ सालमा सञ्चालनमा आएको हो । हाल नेपालमा ४१ वटा क्लबहरु र ४ वटा जुनियर अप्टिमिस्टिक क्लब रहेका छन् । नयाँ क्लबहरु पनि खुल्ने क्रम जारी रहेको रहेको अध्यक्ष बस्नेतले जानकारी गराए । बैठकको सहजीकरण सचिब एकराज भण्डारीले गरेका थिए ।

लघुवित्तमा सक्रिय महिलाहरु

दाङ,१ असोज ।

कुनै समय चुलोचौकोमै सीमित हुने महिलाहरु पछिल्लो समय सामाजिक क्षेत्रमा पनि सक्रिय हुन थालेका छन् । लघुवित्तमा जोडिएपछि अहिले महिलाहरु उद्यममा जोडिएर आम्दानी गर्दै आएका छन् । स्वाबलम्बन लघुवित्त वित्तिय संस्था तुलसीपुर शाखामा आबद्ध समूह ३१ की प्रमुख लक्ष्मी गिरीले कुनै समय गाउँ घरमा पैसा सापटी माग्दा पनि पत्याउने अबस्था थिएन्, जब लघुवित्तमा जोडिईन् । त्यसपछि त्यसबाटै जीवनयापन गर्न सजिलो भएको छ ।‘मैले पैसा सापटी माग्दा गाउँका मान्छेले दिन मान्ने अबस्था पनि थिएन, त्यसले आफ्नो जीवन यापनमा पनि समस्या हुन्थ्यो’, उनले भनिन् ‘तर, अहिले लघुवित्तमा जोडिएपछि सहज भएको छ ।’

त्यस्तै बेलमति विकलाई पनि घर धान्न समस्या हुन्थ्यो । अहिले लघुवित्तबाटै ऋण लिएर ब्यबसायीक खेति गरेपछि मनग्य आम्दानी गर्दै आएकी छिन् । लघुवित्तले यस्तै थुप्रै महिलाहरुलाई सहज बनाएको छ ।  केन्द्र ३१ की प्रमुख लक्ष्मी गिरीका अनुसा अहिले छोराछोरीलाई पढाउनदेखि हरेक कुरामा सहज भएको बताईन् । उनका अनुसार महिलाहरुले पनि लघुवित्तबाट ऋण लिएर भैसी,कुखुरा पालन गर्नुकासाथै ब्यबसायीक खेति गरेर मनग्य आम्दानी गर्ने गरेका छन् । जसबाट उनीहरुले आम्दानी गर्नुकासाथै समाजमा प्रतिष्ठा पनि बढेको छ ।‘हामीले आम्दानी मात्रै गर्ने गरेका छैनौं’,उनले भनिन्‘समाजमा प्रतिष्ठा पनि कमाएका छौं, सबैले सम्मान गर्ने भएका छौं, सबैसंग आफ्ना कुरा राख्न सक्ने भएका छौं ।

स्वाबलम्बन लघुवित्त वित्तिय संस्थाका मात्रै तुलसीपुरमा २५१ वटा केन्द्रहरु छन् । संस्थाका तुलसीपुर शाखा प्रमुख चन्द्रबहादुर थापाका अनुसार साना तथा मझौला ब्यबसायीहरुलाई कुनै पनि निकायले चासो नदिएकाले यस्ता ब्यबसायीहरुलाई लघुवित्तले लगानी गरेको बताए । जसले गर्दा उद्यममा सहज भएको उनको भनाई थियो । साथै संस्थाले तुलसीपुरमा केन्द्रका प्रमुखहरुलाई गोष्ठी आयोजना गरेर प्रशिक्षण पनि दिएको छ । वित्तिय संस्थाको नीति नियम, कार्यान्वयन, केन्द्रमा देखिएका समस्या र चुनौतिहरु, बर्तमान अबस्थामा कर्जा लिएर ब्यबसाय गर्ने भन्दा पनि अन्य काममा खर्च गर्ने समस्या रहेकाले यस्ता कुरा समाधान गर्ने विषयमा प्रशिक्षण दिइएको थियो ।

त्यस अवसरमा धेरै वित्तिय संस्थामा बस्दा त्यसले समस्या निम्त्याउने भन्दै सीमित संस्थामा मात्रै आबद्ध हुन तुलसीपुर उपमहानगरपालिकाका उपप्रमुख स्यानी चौधरीले सबै सदस्यमा अनुरोध गरे । साथै अहिले कर्जा लिएर अन्य काममा चलाउने गरेको भन्दै त्यसले घरमा झनै समस्या ल्याउने भन्दै आयमुलक कार्यमा लगाउनुपर्ने, एउटाले कर्जा लिएर अर्कोलाई उपभोग गर्न दिनेजस्ता कार्य नगर्न समेत अनुरोध गरे । यस्तै महिलाहरुलाई यस्ता जागरणका कार्यक्रमले अगाडी बढाउने समेत बताए ।

पहिलो दिन भदौ२६ गते तुलसीपुर उपमहानगपालिकाका उपप्रमुख स्यानी चौधरीले उद्घाटन गरेकी हुन् । सोही दिन इलाका प्रहरी कार्यालय तुलसीपुरका प्रहरी नायब उपरीक्षक पुष्पराज मल्ल सहभागि थिए । त्यस्तै भदौ २७ गते तुलसीपुर ७ का वडाध्यक्ष रामबहादुर जीसी, २८ गते तुलसीपुर ९ का वडाध्यक्ष घनश्याम ढकाल, ३० गते तुलसीपुर ६ का वडाध्यक्ष बर्षात भण्डारी र ३१ गते १८ का वडाध्यक्ष माधव वलीको सहभागिता रहेको थियो ।

अटोमा आगो लगाउने कार्यमा संलग्न २ जना पक्राउ

दाङ,१ असोज ।

हिजो शुक्रबार अटोमा आगो लगाउने कार्यमा संलग्न २ जना पक्राउ भएका छन । ललितपुर महानगरपालिका वडा न.१७ कृष्ट हास्पिटल चोक स्थाई घर भई हाल दाङ जिल्लाको घोराही उपमहानगरपालीका वडा न.१५ मा बस्ने बर्ष २३ का मिलन पौडेल र बाग्लुङ जिल्लाकी वडा न.२ ढाड स्थाई घर भई हाल घोराही उप–महानगरपालीका वडा न.१५ वि.पि चोक डेरा गरीबस्ने बर्ष २९ की कमला दर्जी संलग्न भएको बताईएको छ ।

हिजो दिउँसो अंन्दाजी०१ः३० बजेको समयमा घोराही उपमहानगरपालिका वडा नं.१५ विपि चोक नजिक कुशल सुबेदीको घरमा कोठा भाडालिई बस्ने टेक बहादुर खत्रीको रा १ ह ८६६० नं.को अटो (घर अगाडी बाटो छेउमा पार्किङ गरी राखेको अबस्थामा) एक्कासी आगलागी भएको भन्ने खबर प्राप्त भएपछि जिल्ला प्रहरी कार्यालय बाट ७ जनाको प्रहरी टोली खटि गई हेर्दा अटो पुर्ण रुपमा जली नष्ट भईसकेको अबस्थामा भेटिएको थियो । आगो के ,कसरी,कोकसले लगाएको भनि घटना स्थलको अध्यायन तथा खोजतलास गर्दे जाने क्रममा मिलन पौडेल र कमला दर्जी संलग्न भएको आधारमा पक्राउ परेका हुन् ।अनुसन्धान कार्य भईरहेको जिल्ला प्रहरी कार्यालय घोराहीले बताएको छ ।